Нашето училиште ООУ “Страшо Пинџур“ с. Соколарци, има едно централно училиште и четири подрачни училишта. Централното училиште се наоѓа во село Соколарци, општина Чешиново-Облешево. Изградено е во 1952 година. Оттогаш па се до денес, своето основно образование го завршиле околу 23 000 ученици. Во ова училиште се одржува настава од 1-во до 9-то одделение. Во него доаѓаат ученици од околните места како што се Новоселани и Жиганци. Училиштето располага со 7 училници, 1 фискултурна сала, како и спортски терен за реализирање на наставата по физичко и здравствено образование. Наставата во училиштето се одвива на мекедонски јазик, а учениците се затоплуваат со парно на дрва. Денес училиштето брои 191 ученик. Нашето училиште има учествувано во повеќе проекти од кои позначајни се добивањето на статус на зелено знаме од Еко проектот, како и членството во ACES. За останатите подрачни училиште може повеќе да прочитате во делот ПОДРАЧНИ УЧИЛИШТА.