ООУ „Страшо Пинџур“ с. Соколарци
Визија и мисија
Визија - Учењето, хармонијата и просперитетот на учениците од нашево училиште кон посветла иднина. Адаптирање и проширување на просторните капацитети на училиштето и набавка на современа технологија ќе овзможат да создадеме подобра клима заработа и среќно опкружување за сите. Прилагодување на наставата според потребите на учениците, почитување и поддржување на различностите ќе создадат услови за подобра инклузија на сите ученици.
Изјава на визијата: Нашите ученици да се стекнат со вештини и знаења кои ќе им помогнат да се изградат во здрави и одговорни личности, подготвени за предизвиците на животот, оспособени да го применат стекнатото знаење и вештини. Со позитивно изградените вредносни системи тие да бидат носители на општествено – корисна работа, ценети и пожелни во пошироката општествена заедница.
Цел на визијата: Преку воспитно образовниот процес да се влијае на создавање на здрави личности во поглед на физичкото, менталното и социјалното здравје кои ќе ги остварат обврските на одговорни граѓани. Стекнатите знаења и вештини да бидат трајни и истите да можат да ги применуваат во понатамошното образование и извршување на работните задачи. Остварувањето на визијата, училиштето ќе го овозможи преку стекнување на знаења, вештини и позитивни вредности на личноста. Континуирано ќе работи на остварување на целта на визијата преку учење, критичко мислење, напредување од сите области користејќи ги потенцијалните средства со кои располага училиштето и околината.Тие ќе бидат реализирани преку подрачјата за планирање на наставните програми.
Мотo:Училиште за секое дете.
Мисија - Инклузивното образование и унапредување на меѓуетничката соработка меѓу учениците, наставниците и родителите е приоритет во работењето на нашето училиште. Квалитетотнавоспитнообразовнатаработа е подобрен со употреба на информатичка технологија, воведување на иновации вонаставата и професионален пристап на вработените.
Цел на мисијата: Да бидеме училиште кoe нуди современа, модерна, квалитетна настава која е прилагодена на потребите на учениците и ќе овозможи нивно креативно, интелектуално и позитивно оформување и надградување. Да влијаеме на сестраниот развиток на личноста со вистински вредности и начела кои ги стекнала кај нас, а ќе и бидат двигател и водич низ лавиринтите на животот.
Изјава на мисијатa: Мисијата ќе му овозможи на секој ученик да ги развива своите мисловни, емоционални, социјални и индивидуални способности преку усвојување знаења и вештини, да развие граѓанска свест за сопствениот, националниот и културниот идентитет, почитување на луѓето и грижа за здравјето и здравата околина.